Buorisboahtem!
Ienep gå niellja tjuode jage dás åvddål lij Dálvvadis márnán luondulasj äjvvalimsaddje Sámen, sámijda ja iehtjádijda. Dálla lip aj lávkkim virituella väráldij. Sámeportálla galggá sjaddat luondulasj äjvvalamsaddje gájkajda. Nähttabielle fievrri duv lagábuv sámij viessomijda ja vaddá dujni vuojnov Svieriga álggo-álmmuka birra. Dánna gávnnuji diedo tjieldij ja sámij värálda birra, sámij ietjasij vuojnos. Gåvvåvuorkán bessabit tjuovvot manov tjadá Sábme. Dánna le aj máhttelis oahpástuvvat sámij doajmadagáj dán dáfon. Portálla vaddá diedojt, inspirasjåvnåv ja vásstádusájt.
Sámeportálla- Buorisboahtem midjij!
Tjielde
Tjiellde, tjoahkkeásadussan ällobargguj, la ásadum 1886’a rájes (namma “sameby”jages 1971, åvddål “lappby”). De gávnnuji 51 tjielde Svierigin, dajs la 32 Norrbottenin (gehtja kártavLänstyrelsis).
Tjielde Jåhkåmåhke Gieldan
Jåhkåmåhke gieldan gávnnuji vihtta tjielde , dajs li gålmmå várretjielde ja guokta vuovdde-tjielde.
V
árretjielde li:
- Jåhkågaska tjiellde
- Sirges
- Duorbun
Vuovddetjielde li:
- Sierri
- Udtjá
Vuovddetjielde li ellujn vuovden jagijt birra. Valla várretjieldij ällo jåhti mälggadij, dálvve- vuovdes lulldet gitta várreednamijda alás vuonarádjáj.
Jåhkågaska tjiellde - Tjiellde jågåj gaskan
Jåhkågasska tjieldde la tjieldde jågåj gasskan. Jågå li Miellädno ja Låddejåhkå. Tjielden li lagábuv 70 oasseváldde, dajs li akta-vidátoase ällobargon. Tjielden gávnnuji lagábuv 4000 boatjo ja tjiellde barggá guhkásij ällobargojn ja gähttjali säjllodit ednamijt ja ressursajt dajna vuogijn, ja gånnå ulme li ekonomalasj, sosiálalasj ja kultuvralasj.
Sirges - Svieriga stuorámus tjiellde
Sirges la akta Jåhkåmåhke gielda várretjieldijs. Sirges la nuortamus gålmå várretjieldijs, ja aj Svieriga stuorámus tjiellde gånnå gávnnuji 95 ällodoajmadagá ja birra 300 oasseváldde. Alemus boatjolåhkå la dálla 15 500. Sirges váldij suv sámenamáv nav átjak gå jáhke 2001. Namáv máhttá guoradit åvtå ájnna dálvveårrudahkaj dålutjis, dáfuj Sirgesluovta Stuorjulevu oarjásjbielen. Åvddål lij tjielde namma Sirkas.
Udtjá
Uttjá tjiellde la akta guovtet vuovddetjieldijs Jåhkåmåhke gieldan. Tjielde dáfo la vargga gávtje mijla guhkke ja gålmmå mijla gåbdde, Tjavelkjávres allelin gitta Diellejávrráj lulle rabddaj. Tjiellde la juogadum guovte oassáj. Dat la Uttjá sijdda ja Rávdojávre sijdda. Stuoraoase Uttjá dáfos la forsvárra vuotjemsjalljon, mij ásaduváj jagen 1960. Dát jages le tjielda vuodobájkke sämmi gå forsvárra gähttjalimbájkke. Gå forsvárra álggi vuohtjatjit, de tjieldde hähttu suv bargov rievddat.
Duorbun
Duorbuna tjiellde la vargga stuorámus tjieldde Jåhkåmåhke gieldan, sijá 43 isedij ja 5500 boatjoj. Alemus boatjojlåhkå la 9000. Dálla li tjielden 6 dálvvesijda ja goahtomednama le vuonarájás gitta Bottenviks dáfo rádjáj, Jåhkågasska/Sirges nuortalt ja Luokta-Mávas/Udtjá oarjelt.
Portálla birra
Sámeportálla la diehto-ja kommunikasjåvnnå kanálla, mav tjielde Jåhkåmåhke gieldan li mannuj biedjam. Internähtta duogen li gájkka vihtta tjielde Jåhkåmåhke gieldan; Sirges, Duorbun, Jåhkågasska, Udtjá ja Sierri.
Gåik iejvvit mijáv
Jus dån sidá iejvvit mijáv Sámeportállan, dågu oasstet reklámasajev jali gatjádit juojddáv, le adræssa:
SameportalenKöpmangatan 19
962 32 Jokkmokk
Sverige
+46 (0) 971 107 00
E-mail: info@sameportalen.se